இந்திய அரசியல் ஜனநாயக யுக்திகள் (ஐ.பி.டி.எஸ்.) அமைப்பு வெளியிட்டுள்ள சமீபத்திய தேர்தல் கருத்துக்கணிப்பு முடிவுகள் தமிழக அரசியலில் பெரும் சலசலப்பை ஏற்படுத்தியுள்ளன. இந்த அறிக்கையின்படி, திமுக கூட்டணி 39.80 சதவீத வாக்குகளைப் பெற்று, மொத்தம் உள்ள தொகுதிகளில் 138 இடங்களைக் கைப்பற்றி மிகப்பெரிய வெற்றியைப் பதிவு செய்யும் எனத் தெரிவிக்கப்பட்டுள்ளது. ஆளுங்கட்சி மீதான ஆதரவு நிலையாக இருப்பதை இந்தக் கணிப்பு சுட்டிக்காட்டுகிறது.
அதேவேளையில், அதிமுக கூட்டணி சுமார் 35 சதவீத வாக்குகளுடன் 70 இடங்கள் வரை வெற்றி பெற்று இரண்டாம் இடத்தைப் பிடிக்கும் எனத் கணிக்கப்பட்டுள்ளது. குறிப்பாக, புதிதாகத் தொடங்கப்பட்ட தமிழக வெற்றிக் கழகம் (தவெக) 33 சதவீத வாக்குகளைப் பெற்று, முதல் தேர்தலிலேயே மூன்றாவது இடத்தைப் பிடித்துப் பலமான அதிர்வுகளை ஏற்படுத்தும் என ஐ.பி.டி.எஸ். தெரிவித்துள்ளது. நாம் தமிழர் கட்சிக்கு 8.42 சதவீத வாக்குகள் கிடைக்க வாய்ப்புள்ளதாகக் கூறப்பட்டுள்ள நிலையில், இந்த மும்முனைப் போட்டி தேர்தல் களத்தை விறுவிறுப்பாக்கியுள்ளது.