அமெரிக்காவின் கடும் எதிர்ப்புகளையும் தடையையும் மீறி, சீனாவின் ‘ரிச் ஸ்டாரி’ என்ற சரக்குக் கப்பல் ஹார்முஸ் ஜலசந்தியை வெற்றிகரமாகக் கடந்து சீனா நோக்கிச் சென்று கொண்டிருப்பது சர்வதேச அளவில் பெரும் பரபரப்பை ஏற்படுத்தியுள்ளது. ஈரான் மற்றும் அமெரிக்காவுக்கு இடையிலான போர் பதற்றம் காரணமாக, அமெரிக்கா ஹார்முஸ் ஜலசந்தியில் கடற்படை முற்றுகையை அமல்படுத்தி, அதிநவீன ஆயுதங்களுடன் 15 போர்க்கப்பல்களை நிலைநிறுத்தியுள்ளது.
மேலும் ஈரானின் பொருளாதாரத்தை முடக்கும் நோக்கில் அமெரிக்கா விதித்துள்ள இந்தத் தடைகளை சவாலாக ஏற்று, சீனா தனது கப்பலை அந்தப் பகுதி வழியாகச் செலுத்தியிருப்பது அமெரிக்காவிற்கு இராஜதந்திர ரீதியாகக் கிடைத்த பின்னடைவாகப் பார்க்கப்படுகிறது. ஷாங்காய் ஷுவான்ரூன் ஷிப்பிங் நிறுவனத்திற்குச் சொந்தமான இந்த ‘ரிச் ஸ்டாரி’ கப்பல், சுமார் 2,50,000 மெத்தனால் எரிபொருளைச் சுமந்து செல்வதாகத் தகவல்கள் தெரிவிக்கின்றன.
இதனால் ஈரானுடன் வர்த்தகம் செய்ததற்காக ஏற்கனவே இந்தக் கப்பல் மற்றும் அதன் உரிமையாளர் நிறுவனம் மீது அமெரிக்கா பொருளாதாரத் தடைகளை விதித்துள்ளது. இந்நிலையில், அமெரிக்காவின் முற்றுகையைத் தகர்த்து இந்தக் கப்பல் முன்னேறியிருப்பது சீனாவின் வலிமையை உலகிற்குப் பறைசாற்றுவதாக அமைந்துள்ளது. மேலும், ‘முரலிகிஷன்’ என்ற மற்றொரு சீனக் கப்பலும் இதே பாதையில் பயணிக்கத் தொடங்கியுள்ளதாகத் தரவுகள் தெரிவிக்கின்றன, இது இப்பகுதியில் நிலவும் பதற்றத்தை மேலும் அதிகரித்துள்ளது.