தமிழக வெற்றிக் கழகத்தின் தலைவரான நடிகர் விஜய், கன்னியாகுமரி மாவட்டத்தில் மேற்கொண்ட தேர்தல் பிரச்சாரத்தின் போது மிதிவண்டியில் சென்று பொதுமக்களைச் சந்தித்து பெரும் வரவேற்பைப் பெற்றார். இந்த ரோடு ஷோவில் அவர் பயன்படுத்திய மிதிவண்டி பலரது கவனத்தை ஈர்த்ததுடன், சமூக வலைதளங்களில் அது குறித்த தேடல்களையும் அதிகரித்துள்ளது.
விஜய் பயன்படுத்தியது ‘லூசிஃபையர் மார்ஃபியஸ்’ எனும் மாடல் மிதிவண்டி என்பதும், அதன் நவீன வடிவமைப்பும் சிறப்பம்சங்களும் ரசிகர்களிடையே பேசுபொருளாகியுள்ளது. இந்த லூசிஃபையர் மார்ஃபியஸ் மிதிவண்டி, நீடித்து உழைக்கும் அலாய் பிரேம் மற்றும் உயர்தர கியர் அமைப்புகளுடன் வடிவமைக்கப்பட்டுள்ளது.
சொகுசான பயணத்தை உறுதி செய்யும் வகையில் இதன் முன்பக்க சஸ்பென்ஷன் மற்றும் டிஸ்க் பிரேக் வசதிகள் அமைக்கப்பட்டுள்ளன. சந்தையில் இதன் விலை சுமார் 15,000 ரூபாய் முதல் 20,000 ரூபாய்க்குள் இருக்கும் எனத் தெரிகிறது. எளிமையான தோற்றத்தில் இருந்தாலும், மிகச்சிறந்த கையாளுதல் திறன் கொண்ட இந்த மிதிவண்டி விஜய்யின் ரோடு ஷோவிற்குப் பிறகு இளைஞர்களிடையே பெரும் வைரலாகி வருகிறது.