சைனஸ் என்று நினைத்த பெண்… தும்மும் போது மூக்கிலிருந்து வந்த புழுக்கள்… அதிர்ச்சியில் உறைந்த மருத்துவர்கள்..!!

மருத்துவ உலகையே வியப்பிலும் அதிர்ச்சியிலும் ஆழ்த்தியுள்ள ஒரு அரிய நிகழ்வில், கிரீஸ் நாட்டைச் சேர்ந்த ஒரு பெண் தும்மும்போது அவரது மூக்கிலிருந்து சுமார் ஒரு அங்குல நீளமுள்ள உயிருள்ள புழுக்கள் வெளியேறியுள்ளன. ஆரம்பத்தில் சாதாரண சளி மற்றும் சைனஸ் பாதிப்பு என்று நினைத்த அந்தப் பெண்ணுக்கு, திடீரென தும்மல் ஏற்பட்டபோது மூக்கிலிருந்து புழுக்கள் விழுந்ததைக் கண்டு கடும் அதிர்ச்சியடைந்தார். உடனடியாக அவர் மருத்துவமனைக்கு விரைந்து சிகிச்சை பெற்றார்.

பரிசோதனையில் அந்தப் பெண்ணின் மூக்கு மற்றும் சைனஸ் பகுதியில் பல லார்வாக்கள் (புழுக்களின் முட்டை வடிவம்) இருப்பது கண்டறியப்பட்டது. மருத்துவர்கள் அறுவை சிகிச்சை மூலம் சுமார் 10 உயிருள்ள புழுக்களையும், ஒரு ‘பியூப்பா’ எனப்படும் முதிர்ச்சியடைந்த நிலையில் இருந்த புழுவையும் வெளியேற்றினர். இந்த அரிய வகை தொற்றுக்கு ‘ஷீப் பாட் ஃபிளை’ (Sheep Bot Fly) என்ற ஈ வகைதான் காரணம் என்று மருத்துவர்கள் கண்டறிந்தனர். இவை பொதுவாக கால்நடைகளையே பாதிக்கும், மனிதர்களுக்கு இத்தகைய பாதிப்பு ஏற்படுவது மிக அபூர்வம்.

இந்த விசித்திரமான பாதிப்புக்கு அந்தப் பெண் வசிக்கும் கிராமப்புற சூழல் காரணமாக இருக்கலாம் எனத் தெரிகிறது. ஆடுகள் மற்றும் கால்நடைகளுக்கு அருகே இருந்தபோது, இந்த ஈக்கள் அவரது மூக்கிற்குள் லார்வாக்களைச் செலுத்தியிருக்கலாம் என்று மருத்துவர்கள் கருதுகின்றனர். உரிய நேரத்தில் சிகிச்சை அளிக்கப்பட்டதால் அந்தப் பெண் பெரிய ஆபத்திலிருந்து தப்பினாலும், நவீன மருத்துவ அறிவியலையே அதிர வைத்த ஒரு சம்பவமாக இது பார்க்கப்படுகிறது.