மயிலாடுதுறை சட்டமன்றத் தொகுதியில் திமுக கூட்டணியில் காங்கிரஸ் வேட்பாளராக தஞ்சாவூரைச் சேர்ந்த ஜமால் முகமது யூனுஸ் அறிவிக்கப்பட்டதற்கு, அக்கட்சியினரிடையே கடும் எதிர்ப்பு கிளம்பியுள்ளது. “வெளிமாவட்டத்தைச் சேர்ந்தவரை வேட்பாளராகத் திணிப்பதா?” என அதிருப்தி அடைந்துள்ள உள்ளூர் நிர்வாகிகள், இந்தத் தேர்வின் பின்னணியில் மயிலாடுதுறை எம்பி சுதாவின் பரிந்துரை இருப்பதாகக் பகிரங்கமாகக் குற்றம் சாட்டியுள்ளனர்.
இதன் எதிரொலியாக, எம்பி சுதா மற்றும் காங்கிரஸ் தலைமையைக் கண்டித்து மயிலாடுதுறை முழுவதும் கண்டன போஸ்டர்கள் ஒட்டப்பட்டுள்ளதால் பெரும் சலசலப்பு ஏற்பட்டுள்ளதுடன், தேர்தல் பணிகளில் தொய்வு ஏற்படும் சூழலும் உருவாகியுள்ளது.