சர்வதேச புவிசார் அரசியலில் அமெரிக்கா உள்ளிட்ட மேற்கத்திய நாடுகளின் அழுத்தம் அதிகரித்து வரும் வேளையில், இந்தியா தனது எரிசக்தி பாதுகாப்பை உறுதி செய்ய ‘ஆப்பிரிக்க ஆயுதத்தை’ கையில் எடுத்துள்ளது. மலிவு விலை கச்சா எண்ணெய்க்காக இதுவரை ரஷ்யாவை மட்டுமே பெரிதும் நம்பியிருந்த இந்தியா, தற்போது தனது கவனத்தை ஆப்பிரிக்க நாடான அங்கோலாவின் பக்கம் திருப்பியுள்ளது. 2026 மார்ச் மாத நிலவரப்படி, இந்தியாவின் மூன்றாவது பெரிய எண்ணெய் விநியோக நாடாக அங்கோலா உருவெடுத்துள்ளது வியப்பை ஏற்படுத்தியுள்ளது. குறிப்பாக, இந்தியன் ஆயில் கார்ப்பரேஷன் அங்கோலாவிலிருந்து சுமார் 2 மில்லியன் பீப்பாய் கச்சா எண்ணெயை வாங்கியுள்ளது, இது சர்வதேச சந்தையில் இந்தியாவின் இறக்குமதி வியூகம் முற்றிலும் மாறிவருவதைக் காட்டுகிறது.
இந்த அதிரடி மாற்றத்திற்குப் பின்னால் ஒரு புத்திசாலித்தனமான பொருளாதாரக் கணக்கும் ஒளிந்துள்ளது. அங்கோலாவிலிருந்து இறக்குமதி செய்யப்படும் எண்ணெய், பெட்ரோல் மற்றும் டீசல் உற்பத்திக்கு மிகவும் உகந்ததாக இருப்பதால், இந்திய சுத்திகரிப்பு நிலையங்களுக்கு இது அதிக லாபத்தை ஈட்டித் தருகிறது. இதன் மூலம் சர்வதேச அழுத்தங்களுக்கு அடிபணியாமல், பிரேசில், ஐக்கிய அரபு அமீரகம் மற்றும் அமெரிக்கா எனப் பல நாடுகளிடமிருந்து கச்சா எண்ணெயைப் பன்முகத்தன்மையுடன் கொள்முதல் செய்து இந்தியா மாஸ் பதிலடி கொடுத்துள்ளது. 1985 முதல் நீடிக்கும் இருதரப்பு உறவை தற்போது வர்த்தக ரீதியாக வலுப்படுத்துவதன் மூலம், உள்நாட்டில் பெட்ரோல், டீசல் தட்டுப்பாடு ஏற்படாமலும், விலையை கட்டுக்குள் வைத்திருக்கவும் இந்தியா ஒரு பலமான அடித்தளத்தை அமைத்துள்ளது.