ஸ்வீடன் நாட்டில் அரங்கேறியுள்ள இந்த அதிர்ச்சிகரமான சம்பவம் மனிதநேயமற்ற செயலின் உச்சமாக பார்க்கப்படுகிறது. போதைப்பொருள் பழக்கத்திற்கு அடிமையான தனது மனைவியின் நிலையைச் சாதகமாக்கிக் கொண்ட 62 வயது கணவர், கடந்த சில ஆண்டுகளாக சுமார் 120 ஆண்களுக்கு அவரை விற்பனை செய்து, கட்டாயப்படுத்தி பாலியல் வன்கொடுமைக்கு ஆளாக்கியுள்ளார். இந்த கொடூரச் செயலைத் திட்டமிட்டு அரங்கேற்றிய அந்த நபர், தனது மனைவியைப் பணத்திற்காகவும் போதைப்பொருளுக்காகவும் மற்றவர்களிடம் ஒப்படைத்திருப்பது உலகெங்கிலும் உள்ள சமூக ஆர்வலர்களிடையே பெரும் கொந்தளிப்பை ஏற்படுத்தியுள்ளது.
இந்த விவகாரம் வெளிச்சத்திற்கு வந்ததையடுத்து, அந்த நபர் மீது பாலியல் பலாத்காரம், கடத்தல் மற்றும் வன்முறைத் தாக்குதல் உள்ளிட்ட பல்வேறு கடுமையான பிரிவுகளின் கீழ் வழக்குகள் பதிவு செய்யப்பட்டுள்ளன. பாதிக்கப்பட்ட பெண்ணுக்கு தற்போது உரிய மருத்துவ சிகிச்சையும் பாதுகாப்பும் வழங்கப்பட்டு வரும் நிலையில், இந்த வழக்கின் முக்கிய விசாரணை வரும் 13-ம் தேதி நடைபெறவுள்ளது. பாதிக்கப்பட்ட பெண்ணுக்கு நீதி கிடைக்க வேண்டும் என்றும், குற்றவாளிக்குக் கடுமையான தண்டனை வழங்கப்பட வேண்டும் என்றும் சமூக வலைதளங்களில் கோரிக்கைகள் வலுத்து வருகின்றன.