2026 தமிழக சட்டமன்றத் தேர்தலை முன்னிட்டு, தமிழக வெற்றிக் கழகத்தின் தலைவர் விஜய் இன்று தனது அனல் பறக்கும் தேர்தல் பிரசாரத்தை பெரம்பூரில் இருந்து அதிகாரப்பூர்வமாகத் தொடங்குகிறார். இதனைத் தொடர்ந்து கொளத்தூர் மற்றும் வில்லிவாக்கம் ஆகிய தொகுதிகளில் அவர் வாக்கு சேகரிக்க உள்ள நிலையில், தொண்டர்களுக்கும் பொதுமக்களுக்கும் அக்கட்சி சார்பில் சில முக்கியக் கட்டுப்பாடுகள் விதிக்கப்பட்டுள்ளன.
குறிப்பாக, பிரசாரத்தின் போது விஜய்யின் வாகனத்தைப் பின்தொடர்ந்து வருவதைத் தவிர்க்குமாறும், பாதுகாப்பு மற்றும் நெரிசலைக் கருத்தில் கொண்டு கர்ப்பிணிகள், சிறுவர்கள், மாணவர்கள், முதியவர்கள் மற்றும் மாற்றுத்திறனாளிகள் இந்தப் பிரசார நிகழ்வுகளில் பங்கேற்க வேண்டாம் என்றும் கட்சித் தலைமை அறிவுறுத்தியுள்ளது.