தென் மத்திய ரயில்வே துறையில் காலியாக உள்ள 2801 அப்ரண்டிஸ் பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியாகியுள்ளது. இதில் எலக்ட்ரீஷியன், பிட்டர், ஏசி மெக்கானிக், வெல்டர் உள்ளிட்ட பல்வேறு பிரிவுகளில் ஆட்கள் தேர்வு செய்யப்பட உள்ளனர். இந்தப் பணிகளுக்கு விண்ணப்பிக்கப் பத்தாம் வகுப்பில் குறைந்தபட்சம் 50 சதவீத மதிப்பெண்களுடன் தேர்ச்சி பெற்றிருக்க வேண்டும். மேலும், சம்பந்தப்பட்ட துறையில் ஐடிஐ (ITI) சான்றிதழ் பெற்றிருப்பது அவசியமாகும். விண்ணப்பதாரர்கள் 15 முதல் 24 வயதிற்கு உட்பட்டவர்களாக இருக்க வேண்டும்; இருப்பினும் அரசு விதிகளின்படி எஸ்சி, எஸ்டி மற்றும் ஓபிசி பிரிவினருக்கு வயது வரம்பில் தளர்வுகள் உண்டு.
தகுதியான நபர்கள் பத்தாம் வகுப்பு மற்றும் ஐடிஐ படிப்பில் பெற்ற மதிப்பெண்கள் அடிப்படையில் நேரடியாகத் தேர்வு செய்யப்படுவார்கள்; இதற்கெனத் தனியாகத் தேர்வுகள் எதுவும் நடத்தப்படாது. விருப்பமுள்ளவர்கள் தென் மத்திய ரயில்வேயின் அதிகாரப்பூர்வ இணையதளமான www.scr.indianrailways.gov.in மூலம் வரும் ஏப்ரல் 11, 2026-க்குள் ஆன்லைனில் விண்ணப்பிக்க வேண்டும். பொது மற்றும் ஓபிசி பிரிவினருக்கு விண்ணப்பக் கட்டணமாக ரூ.100 நிர்ணயிக்கப்பட்டுள்ளது. அதேசமயம் பெண்கள், எஸ்சி/எஸ்டி மற்றும் மாற்றுத்திறனாளிகளுக்குக் கட்டணம் செலுத்துவதிலிருந்து முழு விலக்கு அளிக்கப்பட்டுள்ளது. ரயில்வே துறையில் நுழைய விரும்பும் இளைஞர்களுக்கு இது ஒரு மிகச்சிறந்த வாய்ப்பாகும்.