திருவண்ணாமலை மாவட்டம் கீழ்பென்னாத்தூர் காவல் நிலையத்தில் கடந்த ஆண்டு குட்கா வழக்கில் பாலமுரளி என்பவர் கைது செய்யப்பட்டு சிறையில் அடைக்கப்பட்டார். அவர் சிறையில் இருந்த காலத்தில், அவரிடமிருந்து பறிமுதல் செய்யப்பட்ட செல்போன் காவல் நிலையத்திலேயே ஒப்படைக்கப்பட்டிருந்தது. தண்டனை முடிந்து வெளியே வந்த பாலமுரளி, தனது அலைபேசியைப் பெற்றுக்கொண்டு வீட்டிற்குச் சென்று பார்த்தபோது, அவரது வங்கி கணக்கிலிருந்து சுமார் 1 லட்சத்து 70 ஆயிரம் ரூபாய் ஜி-பே (G-Pay) மூலம் மர்மமான முறையில் பரிமாற்றம் செய்யப்பட்டிருப்பதைக் கண்டு கடும் அதிர்ச்சியடைந்தார்.
இதுகுறித்து பாலமுரளி உயர் அதிகாரிகளிடம் அளித்த புகாரின் அடிப்படையில் எஸ்.பி. சுதாகர் தீவிர விசாரணை நடத்தினார். அந்த விசாரணையில், கீழ்பென்னாத்தூர் உதவி ஆய்வாளர் (SI) கவிதா என்பவர், பாலமுரளியின் செல்போனைப் பயன்படுத்தி அவரது பணத்தைத் தனது உறவினரின் கணக்கிற்குத் திருட்டுத்தனமாக மாற்றியது ஆதாரங்களுடன் உறுதி செய்யப்பட்டது. சட்டத்தைப் பாதுகாக்க வேண்டிய அதிகாரியே இத்தகைய மோசடியில் ஈடுபட்டது பெரும் பரபரப்பை ஏற்படுத்திய நிலையில், எஸ்.ஐ. கவிதாவை அதிரடியாகப் பணியிடை நீக்கம் (Sustain) செய்து மாவட்ட எஸ்.பி. உத்தரவிட்டுள்ளார்.