அமெரிக்காவின் மத்திய புலனாய்வு அமைப்பான எஃப்.பி.ஐ-யின் (FBI) முன்னாள் இயக்குநர் ராபர்ட் முல்லர் (81), உடல்நலக்குறைவு காரணமாகக் காலமானார். 2001-ம் ஆண்டு செப்டம்பர் 11 பயங்கரவாதத் தாக்குதலுக்குப் பிறகு, எஃப்.பி.ஐ அமைப்பை ஒரு நவீன பயங்கரவாத எதிர்ப்புப் பிரிவாக மாற்றியதில் இவருக்கு முக்கியப் பங்கு உண்டு.
இவர் கடந்த 2016-ம் ஆண்டு அமெரிக்க அதிபர் தேர்தலின்போது, டொனால்டு டிரம்பின் வெற்றிக்கு ரஷ்யா உதவியதா என்பது குறித்த உயர்மட்ட விசாரணையை வழிநடத்தினார். இந்த விசாரணை டிரம்ப் நிர்வாகத்திற்குப் பெரும் நெருக்கடியை ஏற்படுத்திய நிலையில், முல்லரின் அறிக்கை அரசியல் வட்டாரத்தில் பெரும் விவாதங்களை உருவாக்கியது.
முல்லரின் மறைவு குறித்து சமூக வலைதளத்தில் பதிவிட்டுள்ள டொனால்டு டிரம்ப், “அவர் இறந்தது மகிழ்ச்சி அளிக்கிறது; இனி அவரால் அப்பாவி மக்களைக் காயப்படுத்த முடியாது” என சர்ச்சைக்குரிய வகையில் கருத்து தெரிவித்துள்ளார். டிரம்பின் இந்த விமர்சனம் தற்போது சர்வதேச அளவில் பரபரப்பை ஏற்படுத்தியுள்ளது.