தமிழக வெற்றிக் கழகத்தின் (தவெக) தலைவர் விஜய், எதிர்வரும் 2026 சட்டமன்றத் தேர்தலில் எந்தக் கட்சியுடனும் கூட்டணி வைக்காமல் தனித்துப் போட்டியிடப் போவதாகத் தகவல்கள் வெளியாகியுள்ளன. அரசியல் களத்தில் ‘ஒன் மேன் ஆர்மி’யாகக் களம் காணும் விஜய்யின் இந்த அதிரடி முடிவு, தமிழக அரசியலில் பெரும் விவாதங்களை ஏற்படுத்தியுள்ளது. ஆரம்பத்தில் ஒரு சில கட்சிகளுடன் கூட்டணி குறித்த பேச்சுவார்த்தைகள் நடந்ததாகக் கூறப்பட்டாலும், தற்போது 234 தொகுதிகளிலும் தனித்துப் போட்டியிடுவதே தனது பலத்தை நிரூபிக்கச் சரியான வழி என்று விஜய் கருதுவதாகத் தெரிகிறது.
கூட்டணி அமைப்பதில் உள்ள சிக்கல்களே விஜய்யின் இந்த முடிவுக்கு முக்கியக் காரணமாகக் கூறப்படுகிறது. ஒருவேளை மற்ற கட்சிகளுடன் கூட்டணி அமைத்தால், அவர்களுக்குப் கணிசமான தொகுதிகளை ஒதுக்க வேண்டியிருக்கும். இது தவெகவின் தனித்துவத்தைப் பாதிப்பதோடு, தொண்டர்களிடையே அதிருப்தியை ஏற்படுத்தக்கூடும் என விஜய் அஞ்சுகிறார். மேலும், “மாற்றம்” என்ற முழக்கத்தோடு அரசியலுக்கு வந்தவர், பழைய அரசியல் பாணிகளைப் பின்பற்றாமல் புதிய பாதையில் பயணிக்க விரும்புவதாலேயே தனித்துப் போட்டி என்ற முடிவை எடுத்துள்ளதாக அரசியல் விமர்சகர்கள் கருதுகின்றனர்.
விஜய்யின் இந்தத் தனித்தப் போட்டி முடிவானது, மற்ற திராவிடக் கட்சிகள் மற்றும் தேசியக் கட்சிகளுக்குப் பெரும் சவாலாக அமையும் என எதிர்பார்க்கப்படுகிறது. குறிப்பாக, இளைஞர்கள் மற்றும் முதல்முறை வாக்காளர்களின் வாக்குகளை முழுமையாகக் கவர வேண்டும் என்பதே விஜய்யின் முதன்மைத் திட்டம். கூட்டணிக் கட்சிகளின் தயவின்றித் தனித்து நின்று வெற்றி பெற்றால் மட்டுமே எதிர்காலத்தில் ஒரு வலுவான ஆளுமையாக நிலைபெற முடியும் என்பதில் விஜய் உறுதியாக இருப்பதாக அவரது கட்சி வட்டாரங்கள் தெரிவிக்கின்றன.