மகாராஷ்டிரா மாநிலம் யவத்மாலைச் சேர்ந்த ரச்சனா மூன் என்பவர், பட்டுப்புடவை அணிந்து கம்பீரமாக பைக் ஓட்டிச் செல்லும் வீடியோ இணையத்தில் காட்டுத்தீயாகப் பரவி வருகிறது. பாரம்பரிய உடையில் அவர் வாகனம் ஓட்டுவதைக் கண்ட அங்கிருந்த பெண் ஒருவர், வியப்பில் ரச்சனாவை வழிமறித்து அவருடன் செல்பி எடுத்துக்கொண்டார். இந்த நெகிழ்ச்சியான தருணம் அடங்கிய 34 வினாடி வீடியோ, பதிவேற்றப்பட்ட சில மணி நேரங்களிலேயே லட்சக்கணக்கான பார்வைகளைப் பெற்று வைரலாகியுள்ளது.
மாடலிங் துறையில் ஆர்வமுள்ள ரச்சனா, தனது இன்ஸ்டாகிராம் பக்கத்தில் இத்தகைய தனித்துவமான வீடியோக்களைத் தொடர்ந்து பகிர்ந்து வருகிறார். இந்த வீடியோவிற்கு நெட்டிசன்கள் பலரும் “யவத்மாலின் ராணி” எனப் புகழாரம் சூட்டி வரும் அதே வேளையில், சாலையில் செல்பவர்கள் ஹெல்மெட் அணிய வேண்டியதன் அவசியம் குறித்தும் சிலர் கருத்து தெரிவித்து வருகின்றனர். பெண்களின் தன்னம்பிக்கையைப் பறைசாற்றும் வகையில் அமைந்துள்ள இந்தச் செயல், பலரையும் கவர்ந்து பெரும் வரவேற்பைப் பெற்றுள்ளது.
View this post on Instagram