ஆக்ராவில் ஒரு திருமணமான 38 வயது நபர் தனது உடலில் மேற்கொண்ட விபரீதப் பரிசோதனை, சினிமா கதையையும் மிஞ்சும் வகையில் அதிர்ச்சியை ஏற்படுத்தியுள்ளது. அந்த நபர் தனது மலக்குடல் (Rectum) வழியாக ஒரு லிட்டர் அளவுள்ள பிளாஸ்டிக் பாட்டிலை உள்ளே செலுத்தியுள்ளார். அது உள்ளே சென்ற பிறகு மிக மோசமாகச் சிக்கிக்கொண்டது. சுமார் 36 மணி நேரம் அந்த நபர் சொல்லொணா வலியைப் பொறுத்துக் கொண்டிருந்துள்ளார். இறுதியில் மலம் கழிக்கக் கூட முடியாத நிலை ஏற்பட்டபோது, வேறு வழியின்றி மருத்துவமனைக்குச் சென்றுள்ளார்.
அவரைப் பரிசோதித்த மருத்துவர்கள், எக்ஸ்ரே முடிவைப் பார்த்து அதிர்ச்சியில் உறைந்து போயினர். உடலுக்குள் ஒரு முழு பாட்டில் சிக்கியிருப்பதைக் கண்ட அவர்கள், ஒன்றரை மணி நேரம் போராடி சிக்கலான அறுவை சிகிச்சை மூலம் அதைப் பத்திரமாக வெளியே எடுத்தனர். மருத்துவத் துறையில் இது ‘சைக்கோ செக்சுவல் டிஸ்ஆர்டர்’ (Psycho-sexual disorder) என்று அழைக்கப்படுகிறது. இது போன்ற செயல்கள் உடல் உறுப்புகளைக் கிழிப்பதோடு மட்டுமல்லாமல், உயிருக்கே ஆபத்தான தொற்றுநோய்களையும் (Infection) ஏற்படுத்தக்கூடும்.
இந்தச் சம்பவம் வெறும் வினோதமான செய்தி மட்டுமல்ல, இது ஒரு தீவிரமான மனநலப் பாதிப்பின் வெளிப்பாடாகும். இப்படிப்பட்டவர்களுக்கு முறையான மருத்துவச் சிகிச்சையோடு, மனநல ஆலோசனைகளும் (Counseling) மிகவும் அவசியம். இதுபோன்ற உயிருக்கு ஆபத்தான செயல்களில் ஈடுபடத் தூண்டும் மனநிலை குறித்து நாம் இன்னும் வெளிப்படையாகப் பேச வேண்டியதன் அவசியத்தை இச்சம்பவம் உணர்த்துகிறது.