ஈரான் தேசிய பாதுகாப்பு கவுன்சில் செயலாளர் அலி லாரிஜானி, அமெரிக்கா மற்றும் இஸ்ரேலுக்கு எதிரான தற்போதைய போரில் இஸ்லாமிய நாடுகள் போதிய ஆதரவு அளிக்கவில்லை என்று பகிரங்கமாகக் குற்றம் சாட்டியுள்ளார். “யார் பக்கம் நீங்கள் இருக்கிறீர்கள்?” என்ற கேள்வியை எழுப்பியுள்ள அவர், நெருக்கடியான நேரத்தில் ஈரான் தனித்து விடப்பட்டதாக அதிருப்தி தெரிவித்துள்ளார்.
ஈரான் மீதான தாக்குதல்களுக்கு அமெரிக்கா மற்றும் இஸ்ரேலுடன் இணைந்து செயல்படும் அல்லது மவுனம் காக்கும் அரபு நாடுகள், ஈரான் பதிலடி கொடுக்கும்போது மட்டும் எதிர்ப்பு தெரிவிப்பதாக லாரிஜானி விமர்சித்துள்ளார். மேலும், அமெரிக்காவும் இஸ்ரேலும் இஸ்லாமிய நாடுகளுக்கு உண்மையான நண்பர்களாக இருக்க முடியாது என்று அவர் எச்சரித்துள்ளார்.
இஸ்லாமிய நாடுகள் ஒற்றுமையுடன் (Islamic Ummah) செயல்பட்டு ஈரானின் போராட்டத்திற்குத் தோள் கொடுக்க வேண்டும் என்று அவர் கோரிக்கை விடுத்துள்ளார். ஈரானுக்கு எதிரான போரில் இஸ்லாமிய நாடுகள் தங்கள் நிலையை மறுபரிசீலனை செய்ய வேண்டும் என்றும் அவர் வலியுறுத்தியுள்ளார்.