விஜய்யின் தமிழக வெற்றி கழகக் கூட்டணியிலிருந்து விலகுவதாக ஜனநாயக முஸ்லீம் மக்கள் கட்சி அதிகாரப்பூர்வமாக அறிவித்துள்ளது. கடந்த 8 மாதங்களாக தவெக-வுடன் பயணித்து வந்த நிலையில், அக்கட்சியின் செயல்பாடுகள் திருப்திகரமாக இல்லாததால் ஆதரவை முழுமையாகத் திரும்பப் பெறுவதாக அக்கட்சியின் தலைவர் MF தமீம் தெரிவித்துள்ளார். விஜய்யிடமிருந்து விலகி, தற்போது திமுகவுடன் இணைந்து செயல்பட அவர் முடிவு செய்துள்ளார்.
திமுக கூட்டணியை ஆதரிப்பதாக அறிவித்துள்ள MF தமீம், வரும் சட்டமன்றத் தேர்தலில் அக்கூட்டணியில் போட்டியிட வாய்ப்புக் கேட்டுள்ளதாகவும் தெரிவித்துள்ளார். தமிழக அரசியலில் தவெக-வின் செயல்பாடுகள் குறித்த விமர்சனங்கள் எழுந்துள்ள நிலையில், ஒரு கூட்டணி கட்சி வெளியேறி திமுகவை ஆதரிப்பது அரசியல் வட்டாரத்தில் முக்கியத்துவத்தைப் பெற்றுள்ளது.