தமிழக சட்டமன்றத் தேர்தலை முன்னிட்டு, சமூக வலைத்தளங்களில் ‘தாமரை சின்னத்தை தொட்டால் ரூ.5,000 வங்கிக்கணக்கில் ஏறும்’ எனப் பரப்பப்படும் தகவல் முற்றிலும் மோசடியானது என்று சைபர் க்ரைம் போலீசார் எச்சரித்துள்ளனர். இத்தகைய போலி விளம்பரங்கள் மக்களின் ஆசையைத் தூண்டி, அவர்களின் வங்கி விவரங்களைத் திருடும் நோக்கில் வடிவமைக்கப்பட்டுள்ளன. இது போன்ற உண்மைக்குப் புறம்பான செய்திகளை நம்பி பொதுமக்கள் யாரும் தங்களின் தனிப்பட்ட தகவல்களைப் பகிர வேண்டாம் என்று அறிவுறுத்தப்பட்டுள்ளது.
இந்த மோசடி விளம்பரங்களில் உள்ள இணைப்புகளை (Links) கிளிக் செய்து வங்கி கணக்கு எண்கள் அல்லது ரகசிய குறியீடுகளைப் பகிர்ந்தால், கணக்கிலுள்ள பணம் பறிபோக அதிக வாய்ப்புள்ளது. எனவே, சமூக வலைத்தளங்களில் வரும் உறுதிப்படுத்தப்படாத தகவல்களைக் கையாளுவதில் மிகுந்த எச்சரிக்கையுடன் இருக்க வேண்டும் என்றும், இத்தகைய போலிப் பிரச்சாரங்கள் குறித்து விழிப்புடன் இருக்குமாறும் காவல்துறை கேட்டுக்கொண்டுள்ளது.