தமிழக அரசு ரேஷன் கடை ஊழியர்களின் நலனை மேம்படுத்தும் வகையில், நியாயவிலைக் கடை விற்பனையாளர்கள் மற்றும் கட்டுநர்களுக்கு அவர்களின் பணிச்சுமை மற்றும் கார்டுதாரர்களின் எண்ணிக்கையை அடிப்படையாகக் கொண்டு ஊக்கத்தொகை மற்றும் ஊதிய உயர்வு தொடர்பான புதிய அறிவிப்புகளை வெளியிட்டுள்ளது. இதன்படி, விற்பனையாளர்களுக்கு அவர்களின் பணித்திறன் மற்றும் பயனாளிகளின் எண்ணிக்கையைப் பொறுத்து தலா ₹1,500, ₹1,750 மற்றும் ₹2,000 என நிர்ணயிக்கப்பட்டுள்ளது
\அதேபோல், கட்டுநர்களுக்கு ₹1,000, ₹1,250 மற்றும் ₹1,500 என ஊதிய உயர்வு வகைப்படுத்தப்பட்டுள்ளது. மேலும், மாற்றுத்திறனாளி ஊழியர்களின் வாழ்வாதாரத்தை உறுதி செய்யும் பொருட்டு, அவர்களுக்கு தற்போது வழங்கப்பட்டு வரும் ₹2,500 பயணப்படியைத் தொடர்ந்து வழங்கவும் அரசாணையில் உத்தரவிடப்பட்டுள்ளது, இது பல ஆண்டுகளாகப் பணியாற்றி வரும் ஊழியர்கள் மத்தியில் மகிழ்ச்சியை ஏற்படுத்தியுள்ளது.