தமிழக முதலமைச்சர் மு.க. ஸ்டாலின் ‘திராவிட மாடல் 2.0’ திட்டத்தின் கீழ் மகளிருக்கான பல்வேறு புதிய அறிவிப்புகளை இன்று வெளியிட உள்ளார். ‘உங்கள் கனவைச் சொல்லுங்கள்’ என்ற திட்டத்தின் மூலம் மக்களிடம் இருந்து பெறப்பட்ட ஆலோசனைகளைத் தொகுத்து, அவற்றில் நிறைவேற்றக்கூடிய முக்கிய அம்சங்களை அவர் அறிவிக்கவிருக்கிறார். குறிப்பாக, மகளிர் உரிமைத் தொகை மற்றும் ஊக்கத்தொகை உயர்வு உள்ளிட்ட அறிவிப்புகள் இதில் இடம்பெறலாம் என எதிர்பார்க்கப்படுகிறது.
இந்த அறிவிப்புகள் தமிழகப் பெண்களுக்குப் பெரும் ‘இன்ப அதிர்ச்சியாக’ இருக்கும் என்று எதிர்பார்க்கப்படும் நிலையில், எந்தத் தேதியில் இருந்து இந்த உயர்வு நடைமுறைக்கு வரும் என்பது குறித்த அதிகாரப்பூர்வத் தகவல்கள் இன்று வெளியாகலாம். துறைவாரியாகப் புதிய திட்டங்களைச் செயல்படுத்தும் நோக்கில் இந்த அறிவிப்புகள் அமைந்திருப்பதால், இது மாநிலத்தின் அடுத்தகட்ட வளர்ச்சிக்கு முக்கியப் பங்கு வகிக்கும் எனத் தெரிகிறது.