டெல்லியைச் சேர்ந்த இளைஞர் ஒருவர் வெறும் மண்ணை விற்று ஒரே நாளில் 2,200 ரூபாய் சம்பாதித்த வீடியோ தற்போது சமூக வலைதளங்களில் வைரலாகி வருகிறது. ‘டீலக்ஸ் என்ற இன்ஸ்டாகிராம் பக்கத்தில் பகிரப்பட்ட இந்த வீடியோவில், அந்த இளைஞர் சாதாரண முல்தானி மிட்டியை சேகரித்து, அதனை நன்றாகப் பொடியாக்குகிறார்.
பின்னர் அதில் மஞ்சள் மற்றும் இயற்கையான உணவு வண்ணங்களைக் கலந்து, “ஆர்கானிக் ஹோலி பொடி” என்று கவர்ச்சிகரமான பேக்கிங் செய்து, டெல்லியின் கண்ணாட் பிளேஸ் பகுதியில் விற்பனை செய்கிறார். திறமையான சந்தைப்படுத்தல் இருந்தால் எதனையும் விற்க முடியும் என்பதற்கு இந்த வீடியோ ஒரு சிறந்த உதாரணமாகப் பார்க்கப்படுகிறது.
View this post on Instagram
“>
இதனால் மாலை நேரத்திற்குள் அந்த இளைஞர் சுமார் 2,200 ரூபாய் வருமானம் ஈட்டியது பலரையும் ஆச்சரியத்தில் ஆழ்த்தியுள்ளது. இந்த வீடியோவைக் கண்ட நெட்டிசன்கள், அந்த இளைஞரின் வணிக அறிவைப் பாராட்டி வருவதோடு, “இவரால் எதை வேண்டுமானாலும் விற்க முடியும்” என்று கருத்து தெரிவித்து வருகின்றனர். இருப்பினும், பேக்கிங் மற்றும் இதர செலவுகளைக் கணக்கிட்டால் லாபம் எவ்வளவு இருக்கும் என்று சிலர் கேள்வி எழுப்பியுள்ளனர்.