அமெரிக்காவின் கொலராடோ மாகாணத்தைச் சேர்ந்த வில்லியம் ஹைன்ஸ் என்ற ஐந்து வயது சிறுவன், சவுத்வெஸ்ட் ஏர்லைன்ஸ் நிறுவனத்தின் விமானி பயிற்சி கையேட்டில் இருந்த ஒரு நுட்பமான பிழையைக் கண்டுபிடித்து அனைவரையும் வியப்பில் ஆழ்த்தியுள்ளான்.
இதனால் விமானத்தின் மானிட்டரில் காட்டப்படும் இரண்டு வரைபடங்கள் ஒன்றுடன் ஒன்று ஒத்துப்போகவில்லை என்பதையும், ஒரு படம் அதிகமாக ‘ஜூம்’ செய்யப்பட்டிருப்பதையும் இந்தச் சிறுவன் துல்லியமாகக் கண்டறிந்தான். அனுபவம் வாய்ந்த நிபுணர்களே கவனிக்கத் தவறிய இந்தத் தவறை, விளையாட்டாகப் பக்கங்களைப் புரட்டிய ஒரு சிறுவன் கண்டுபிடித்தது அந்த விமான நிறுவனத்தையே ஆச்சரியத்தில் ஆழ்த்தியது.
இந்தச் சிறுவனின் அபாரமான திறமையைப் பாராட்டிய சவுத்வெஸ்ட் ஏர்லைன்ஸின் தலைமை நிர்வாக அதிகாரி ராபர்ட் ஜோர்டான், வில்லியம் மற்றும் அவனது குடும்பத்தினரை நிறுவனத்தின் தலைமையகத்திற்கு ஒரு விசேஷமான விஐபி சுற்றுப்பயணத்திற்கு வருமாறு அழைப்பு விடுத்தார்.
மேலும் அங்கு சென்ற வில்லியம், விமானத்தின் காக்பிட் சிமுலேட்டரில் அமர்ந்து விமானத்தை இயக்குவது போன்ற நேரடி அனுபவத்தைப் பெற்றதுடன், நிறுவனத்தின் உயர் அதிகாரிகளுடன் கலந்துரையாடினான். எதிர்காலத்தில் ஒரு சிறந்த விமானியாக வர வேண்டும் என்ற கனவோடு இருக்கும் இந்தச் சிறுவனின் கூர்மையான கவனிப்புத் திறன், தற்போது சமூக வலைதளங்களில் பலரது பாராட்டுகளைப் பெற்று வருகிறது.