உங்க விருது எனக்கு தேவையே இல்லே… நீங்களே வெச்சுக்குங்க – கெத்தாக மறுத்த இயக்குனர் வெற்றிமாறன் – தமிழக அரசு விருதை அவர் புறக்கணித்தது ஏன்?

சமீபத்தில் தமிழக அரசு சார்பில் 2016 முதல் 2022ம் ஆண்டு வரை 7 ஆண்டுகளுக்கான திரைப்பட விருதுகள் வழங்கப்பட்டன. கடந்த 13ம் தேதி நடந்த விழாவில் துணை முதல்வர் உதயநிதி பங்கேற்று இந்த விருதுகளை கலைஞர்களுக்கு வழங்கினார். இந்த விருது பட்டியலில் சிறந்த கதை வசனகர்த்தா என்ற விருதுக்காக அசுரன் படத்தில் கதை வசனம் எழுதிய அந்த படத்தின் இயக்குனர் வெற்றிமாறன் தேர்வானார்.

இதுகுறித்து விருது கமிட்டி சார்பில் அவருக்கு போனில் தகவல் தெரிவிக்கப்பட்டுள்ளது. அப்போது, வெற்றிமாறன் தரப்பில் இந்த படத்தில் நானும் சுகா என்பவரும் இணைந்துதான் கதை வசனம் எழுதினோம். அதனால் 2 பேருக்கும் விருது தந்தால்தான் நன்றாக இருக்கும் என்று கூறியிருக்கிறார். அதற்கு அவர்கள் ஓகே சொல்லவில்லை.

பிறகு அந்த விழாவுக்கும் வெற்றிமாறன் போகவில்லை. விழா முடிந்த பிறகு விருது கமிட்டி சார்பில் வெற்றிமாறனுக்கு போனில் அழைத்து, உங்கள் விருதை வீட்டுக்கு அனுப்புகிறோம் என்று கூறியிருக்கின்றனர். தயவு செய்து அந்த விருதை வீட்டுக்கு எல்லாம் அனுப்ப வேண்டாம். எனக்கு அந்த விருது எனக்கு வேண்டவே வேண்டாம் என்று கட் அண்ட் ரைட்டாக வெற்றிமாறன் சொல்லி இருக்கிறார்.