இந்தியா வெற்றிக்குப் பின் டிரெஸ்ஸிங் ரூமில் வெடித்த சண்டை… குல்தீப்பை விளாசிய ஹர்திக் பாண்டியா… அதிர்ச்சியில் உறைந்த இந்திய அணி…!!

நேற்று கொழும்பில் நடந்த பாகிஸ்தானுக்கு எதிரான டி20 உலகக் கோப்பை போட்டியில் இந்தியா 61 ரன்கள் வித்தியாசத்தில் அபார வெற்றி பெற்று சூப்பர் 8 சுற்றுக்கு முன்னேறியது. இருப்பினும், களத்தில் நடந்த சில கசப்பான சம்பவங்கள் ரசிகர்களிடையே பெரும் விவாதத்தை ஏற்படுத்தியுள்ளன. குறிப்பாக, ஷாஹீன் அப்ரிடி கொடுத்த எளிதான கேட்ச் வாய்ப்பை குல்தீப் யாதவ் பவுண்டரி கோட்டின் அருகே தவறவிட்டது ஹர்திக் பாண்டியாவை கடும் கோபத்திற்கு உள்ளாக்கியது. விக்கெட்டை வீழ்த்தி ஆட்டத்தை முடிக்க வேண்டிய தருணத்தில், குல்தீப்பின் கவனக்குறைவால் அந்தப் பந்து சிக்ஸராக மாறியது ஹர்திக்கின் பந்துவீச்சு புள்ளிவிவரங்களைப் பாதித்தது. இதற்கு முன்னதாக இஷான் கிஷான் ஸ்டம்புகளுக்குப் பின்னால் ஒரு கேட்ச் வாய்ப்பை நழுவ விட்டதும் ஹர்திக்கின் ஆத்திரத்தை அதிகப்படுத்தியது.

வெற்றிக்குப் பிறகு டிரெஸ்ஸிங் ரூமிற்குள் நுழைந்தபோது இந்த மோதல் இன்னும் தீவிரமடைந்தது. குல்தீப் யாதவை ஹர்திக் பாண்டியா கடுமையாக சாடிய நிலையில், அங்கு நிலவிய பதற்றமான சூழல் சக வீரர்களிடையே கலக்கத்தை ஏற்படுத்தியது. இளம் வீரர் திலக் வர்மா மிகுந்த கவலையுடன் காணப்பட, ரிங்கு சிங் தலையிட்டு நிலைமையைத் தணிக்க முயன்றார். கேப்டன் சூர்யகுமார் யாதவ், குல்தீப்பிடம் சில வார்த்தைகளைப் பரிமாறிக்கொண்டு ஹர்திக்கை சமாதானப்படுத்த முயன்றார். களத்தில் வெற்றி கிடைத்தாலும், வீரர்களுக்கு இடையிலான இந்த மோதல் சமூக வலைதளங்களில் பேசுபொருளாகியுள்ளது.