தமிழகத்தில் நேற்று (பிப்ரவரி 8, 2026) நடத்தப்படவிருந்த டிஎன்பிஎஸ்சி குரூப் 2 மற்றும் 2A முதன்மைத் தேர்வுகள், மென்பொருள் கோளாறு காரணமாக ஏற்பட்ட தேர்வு மைய ஒதுக்கீடு குளறுபடிகளால் திடீரென ரத்து செய்யப்பட்டன. குறிப்பாக சென்னையில் உள்ள மையங்களில் பதிவெண் இல்லாதது மற்றும் கூடுதல் தேர்வர்கள் வருகை தந்ததால் ஏற்பட்ட குழப்பங்களைத் தொடர்ந்து, மாநிலம் முழுவதும் இந்தத் தேர்வுகள் ஒத்திவைக்கப்படுவதாக தமிழ்நாடு அரசுப் பணியாளர் தேர்வாணையம் (TNPSC) அறிவித்தது. இந்தத் திடீர் முடிவுக்கு அரசியல் கட்சித் தலைவர்களும் தேர்வர்களும் கடும் கண்டனங்களைத் தெரிவித்து வந்தனர்.
இந்நிலையில், ரத்து செய்யப்பட்ட இந்தத் தேர்வுகள் வரும் மார்ச் 15-ஆம் தேதி (15.03.2026) நடைபெறும் என்று தேர்வாணையம் அதிகாரப்பூர்வமாக அறிவித்துள்ளது. இருப்பினும், ஏற்கனவே திட்டமிடப்பட்டிருந்த பிப்ரவரி 22-ஆம் தேதி நடைபெற வேண்டிய குரூப் 2 பொது அறிவுத் தேர்வு எவ்வித மாற்றமும் இன்றி அதே தேதியில் நடைபெறும் எனத் தெரிவிக்கப்பட்டுள்ளது. இதற்கான புதிய ஹால் டிக்கெட்டுகள் பிப்ரவரி 13 அன்று வெளியாகும் என்று TNPSC தேர்வு கட்டுப்பாட்டு அலுவலர் தெரிவித்துள்ளார்.