10-வது ஐசிசி ஆடவர் டி20 உலகக் கோப்பை கிரிக்கெட் தொடர் இன்று தொடங்கியது. மும்பையில் இன்று நடந்த மூன்றாவது லீக் போட்டியில் இந்தியா மற்றும் அமெரிக்கா அணிகள் மோதின. டாஸ் வென்ற அமெரிக்கா பவுலிங் தேர்வு செய்த நிலையில், முதலில் பேட் செய்த இந்திய அணி நிர்ணயிக்கப்பட்ட 20 ஓவரில் 9 விக்கெட்டுக்கு 161 ரன்கள் எடுத்தது. இந்திய அணி முன்னணி விக்கெட்டுகளை விரைவாக இழந்து தத்தளித்தது. இதையடுத்து, 162 ரன்கள் எடுத்தால் வெற்றி என்ற இலக்குடன் களமிறங்கிய அமெரிக்க அணி, 20 ஓவரில் 132 ரன்கள் மட்டுமே எடுத்தது. இதன்மூலம், இந்திய அணி 29 ரன்கள் வித்தியாசத்தில் வெற்றி பெற்றது.
இப்போட்டி தொடங்குவதற்கு முன்னர், இந்திய அணியை நம்பி “300 ரன்கள் Loading” என தென்னாப்பிரிக்க முன்னாள் வீரர் டேல் ஸ்டெயின் போட்ட பதிவு இணையத்தில் வைரலானது. ஆனால், அமெரிக்காவுக்கு எதிரான போட்டியில் இந்தியா 161 ரன்கள் மட்டுமே எடுத்தது. சொல்லப்போனால், இரண்டு அணிகளும் சேர்த்து எடுத்த ரன்கள் கூட 300 என்ற இலக்கைத் தொடவில்லை என்று நெட்டிசன்கள் கிண்டலடித்தனர்.