யூத் படத்துக்கு கிடைத்த அமோக வரவேற்பு… வணிக ரீதியாக கிடைத்த பலத்த லாபம் – உற்சாகத்தில் படக்குழுவினர்!

காமெடி நடிகர் கருணாஸ் மகன் கென் கருணாஸ். இவர் ஏற்கனவே அசுரன் விடுதலை 2 உள்ளிட்ட படங்களில் முக்கிய கேரக்டர்களில் நடித்திருக்கிறார். இவர் இயக்கிய படம் யூத். இந்த படத்தில் அவரே கதாநாயகனாகவும் நடித்திருக்கிறார். சிறை படத்தில் நடித்த நாயகி அனீஸ்மா மற்றும் தேவதர்ஷினி ஸ்ரீதேவி உள்ளிட்ட பலர் யூத் படத்தில் நடித்துள்ளனர். ஜீவி பிரகாஷ்குமார் படத்துக்கு இசையமைத்துள்ளார்.

யூத் படத்தை பார்வதா என்டர்டைன்மெண்ட் நிறுவனத்துடன் ஸ்ட்ரீட் பாய்ஸ் ஸ்டுடியோ நிறுவனம் இணைந்து தயாரித்துள்ளது. தமிழ் சினிமாவில் முன்னணி ஸ்டார் நடிகர்களின் படங்களே ஓடிடி மற்றும் சாட்டிலைட் உரிமங்கள் விற்பதில் சிரமம் நீடிக்கிறது. இந்த சூழலில் யூத் படத்தின் ஓடிடி உரிமம் மற்றும் சாட்டிலைட் உரிமம் ஆகியவை நல்ல விலைக்கு விற்கப்பட்டு கணிசமான லாபம் கிடைத்துள்ளது. இதனால் யூத் படக்குழுவினர் மகிழ்ச்சியில் உள்ளனர்.