தமிழ் சினிமாவில் பல படங்களில் நடித்தவர் தமன்னா. பிறகு தெலுங்கு இந்தி சினிமாவில் நடிக்க சென்ற அவர் இந்தி சீரிஸ் நடிகர் விஜய் வர்மா என்பவருடன் நெருக்கமாக இருந்தார். இருவரும் பல ஓட்டல்களுக்கும் வெளியிடங்களுக்கும் டேட்டிங் சென்ற புகைப்படங்கள் வீடியோக்கள் வெளியாகி இணையத்தில் வைரலானது. ஆனால் சில மாதங்களுக்கு முன்பு தமன்னா தனது காதலரை பிரிந்து விட்டார். இந்த நிலையில் நடிகை தமன்னா 2 தினங்களுக்கு முன்பு புதிதாக நகைக்கடை ஒன்றை சொந்தமாக திறந்திருக்கிறார்.
இந்த நகை கடை திறப்பு விழாவில் நடிகை தமன்னாவும் பாலிவுட் ஸ்டார் நடிகர் ஷாருக்கானின் மகன் ஆர்யன் கானும் மிகவும் நெருக்கமாக காணப்பட்டனர். இருவரும் நீண்ட நேரம் மிகவும் நெருக்கமாக நின்று கொண்டும் தீவிரமாக பேசிக் கொண்டிருந்த வீடியோக்கள் இப்போது இணையத்தில் வைரலாகி வருகின்றன. அவர்களுக்கு இடையே இருந்த பாண்டிங் இப்போது பாலிவுட் வட்டாரத்தில் பல யூகங்களை கிளப்பியுள்ளது. பழைய காதலரை பிரிந்த நிலையில் இப்போது தமன்னாவுக்கு ஆரியன் கானுடன் காதல் ஏற்பட்டு விட்டதா என்று சமூக ஊடகங்களில் ரசிகர்கள் விவாதிக்க தொடங்கியுள்ளனர்.