தொலைந்த ஆர்சி புக்கிற்கு ஆன்லைனில் விண்ணப்பிப்பது எப்படி..? இதோ முழு விவரம்..!!

உங்கள் வாகனத்தின் ஆர்சி புக் தொலைந்துவிட்டால், பரிவாஹன் சேவா (Parivahan Sewa) அதிகாரப்பூர்வ இணையதளத்திற்குச் சென்று ‘Vehicle Related Services’ என்பதைத் தேர்வு செய்து ஆன்லைனில் விண்ணப்பிக்கலாம். உங்கள் வாகனப் பதிவு எண் மற்றும் சேசிஸ் எண்ணின் கடைசி 5 இலக்கங்களை உள்ளிட்டு, ‘Duplicate RC’ விருப்பத்தைத் தேர்ந்தெடுக்க வேண்டும். தேவையான விவரங்களைச் சரிபார்த்து, ஆன்லைன் மூலமாகவே உரிய கட்டணத்தைச் செலுத்தி, அதற்கான ரசீதைப் பதிவிறக்கம் செய்து வைத்துக்கொள்ளவும்.

அடுத்த கட்டமாக, பதிவிறக்கம் செய்யப்பட்ட படிவம் 26 (Form 26), காவல் துறையிடம் பெறப்பட்ட எஃப்.ஐ.ஆர் (FIR) நகல் மற்றும் வாகனக் காப்பீட்டுச் சான்றிதழ் ஆகியவற்றைத் தயார் செய்ய வேண்டும். இவற்றுடன் முகவரிச் சான்று, உரிய உறுதிமொழிப் பத்திரம் (Affidavit) மற்றும் வாகனத்தின் சேசிஸ்-இன்ஜின் எண்களின் பென்சில் பிரிண்ட் (Pencil Print) ஆகியவற்றை இணைத்து, உங்கள் பகுதி ஆர்.டி.ஓ (RTO) அலுவலகத்தில் நேரில் சமர்ப்பிக்க வேண்டும். ஆவணங்கள் சரிபார்க்கப்பட்ட பிறகு, புதிய ஆர்சி புக் உங்கள் முகவரிக்கு அனுப்பி வைக்கப்படும்.