தமிழக வெற்றிக் கழகத்தின் (தவெக) செயல் வீரர்கள் கூட்டத்தில் பேசிய அக்கட்சியின் தலைவர் விஜய், ஊழலுக்கு எதிராகத் தனது கடுமையான நிலைப்பாட்டைப் பதிவு செய்துள்ளார். அரசியலுக்கு வந்த பிறகும், வருங்காலத்தில் ஆட்சி அதிகாரத்தைக் கைப்பற்றிய பின்பும், முன்பு இருந்த ஆட்சியாளர்களைப் போலவோ அல்லது தற்போது இருப்பவர்களைப் போலவோ ஒருபோதும் ஊழல் செய்ய மாட்டேன் என்று அவர் உறுதியளித்தார். எதற்குமே ஆசைப்படாத ஒருவர் அரசியலுக்கு வரும்போது, அவரால் ஊழலைப் பார்த்துக் கொண்டு அமைதியாக இருக்க முடியாது என்று தெரிவித்த அவர், மக்களின் வரிப்பணத்தில் ஒரு பைசாவைக் கூடத் தொட மாட்டேன் என்றும் தனது கையில் ஒரு துளி ஊழல் கரை கூடப் படிய விடமாட்டேன் என்றும் உணர்ச்சிப்பூர்வமாகப் பேசினார்.
விஜய்யின் இந்த “தூய்மையான அரசியல்” முழக்கம் அவரது தொண்டர்களிடையே பெரும் உற்சாகத்தை ஏற்படுத்தியுள்ளது. மற்ற அரசியல் கட்சிகள் மீதான ஊழல் புகார்களை மறைமுகமாகச் சுட்டிக்காட்டிய அவர், தனது கட்சியின் அடிப்படை நோக்கம் நேர்மையான நிர்வாகமே என்பதைத் தெளிவுபடுத்தினார். தவெக ஆட்சிக்கு வந்தால் தமிழகத்தில் நிர்வாகச் சீர்திருத்தங்கள் மற்றும் ஊழலற்ற வெளிப்படையான ஆட்சி முறை அமல்படுத்தப்படும் என்பதை அவரது இந்தப் பேச்சு உறுதிப்படுத்துவதாக அரசியல் நோக்கர்கள் கருதுகின்றனர்.