உலகம் முழுவதும் நிலவி வரும் கடும் குளிரின் தாக்கத்தை விளக்கும் வகையில், அமெரிக்காவின் மின்னியாபோலிஸ் நகரிலிருந்து வெளியாகியுள்ள ஒரு வீடியோ சமூக வலைதளங்களில் பலரையும் அதிர்ச்சிக்குள்ளாக்கியுள்ளது. அங்கு நிலவும் அதீத பனிப்பொழிவால் சாலைகள் மற்றும் கட்டிடங்கள் பனியில் மூழ்கியுள்ள நிலையில், பால்கனியில் வைக்கப்பட்ட ஒரு தட்டு பாஸ்தா, அதன் கரண்டியுடன் காற்றில் அப்படியே உறைந்து நிற்கும் காட்சி குளிரின் உக்கிரத்தை உணர்த்துகிறது. சூடான நீர் கூட சில நொடிகளில் பனிக்கட்டியாக மாறும் அளவிற்கு அங்கு உறைபனி நிலை நீடிக்கிறது.
Minneapolis reached a low of -21°F and a wind chill of -45°F this morning! Ouch! Obviously I had to do the pasta experiment 😝 pic.twitter.com/RuQkCb7ACY
— Jennifer McDermed (@McDermedFox9) January 23, 2026
ஜனவரி 23 அன்று மின்னியாபோலிஸில் வெப்பநிலை மைனஸ் 21°F ஆகவும், காற்றின் குளிர் மைனஸ் 45°F ஆகவும் குறைந்ததே இந்த விசித்திர நிகழ்வுக்குக் காரணமாகக் கூறப்படுகிறது. புவிஈர்ப்பு விசைக்கு மாறாகப் பாஸ்தா காற்றில் உறைந்து நிற்கும் இந்தப் புகைப்படம், அந்த நகரின் இயல்பு வாழ்க்கை எந்த அளவிற்குப் பாதிக்கப்பட்டுள்ளது என்பதற்குச் சான்றாக உள்ளது. இந்த வைரல் காட்சியைப் பார்த்த நெட்டிசன்கள், இயற்கையின் இத்தகைய விபரீத மாற்றத்தைக் கண்டு வியப்பிலும் ஆச்சரியத்திலும் ஆழ்ந்துள்ளனர்.