நமது உடலில் கல்லீரல் பாதிக்கப்படும்போது, அது மஞ்சள் காமாலை போன்ற பொதுவான அறிகுறிகளைத் தாண்டி சருமத்தின் வழியாகவும் சில முக்கிய எச்சரிக்கைகளை வெளிப்படுத்தும். நகங்கள் வெளிறிப்போய் லேசான மஞ்சள் நிறத்திற்கு மாறுவது அல்லது பிங்க் நிறம் மங்குவது கல்லீரல் பாதிப்பின் தொடக்க அறிகுறியாக இருக்கலாம்.
அதேபோல், கணுக்கால் மற்றும் பாதங்களில் ஏற்படும் அதிகப்படியான வீக்கம் கல்லீரல் செயல்திறன் குறைவதைச் சுட்டிக்காட்டுகிறது. பலர் இதைச் சிறுநீரகப் பிரச்சினை என்று தவறாகக் கருத வாய்ப்புண்டு என்பதால், இத்தகைய மாற்றங்களைக் கண்டால் உடனடியாகக் கல்லீரல் பரிசோதனை செய்துகொள்வது அவசியம்.
சருமத்தில் ஏற்படும் கடுமையான அரிப்பு, தோல் செதில் செதிலாக உதிர்வது மற்றும் உள்ளங்கைகள் வழக்கத்திற்கு மாறாகச் சிவந்து போவது போன்றவை கல்லீரல் நோயின் தீவிரத்தை உணர்த்துகின்றன. கண்கள் மஞ்சள் நிறமாக மாறுவது பாதிப்பு அடுத்தக் கட்டத்திற்குச் சென்றுவிட்டதைக் குறிக்கும் என்பதால், இதைச் சாதாரணமாகக் கடந்து செல்லக்கூடாது.
பொதுவாக வறட்சியால் ஏற்படும் அரிப்பு என்று நினைத்து மாய்ஸ்சரைசர் பயன்படுத்துவதைத் தவிர்த்து, மருத்துவரின் ஆலோசனையைப் பெறுவது நல்லது. கல்லீரல் ஆரோக்கியத்தைச் சீராகப் பராமரிக்க இந்தச் சிறு மாற்றங்களைக் கவனித்து ஆரம்பத்திலேயே சிகிச்சை பெறுவது மிக முக்கியம்.