வங்கி வைப்புத்தொகையை விட கூடுதல் லாபம் தரக்கூடிய மத்திய அரசின் ‘தேசிய சேமிப்பு பத்திரம்’ (NSC) திட்டம் முதலீட்டாளர்களிடையே பெரும் வரவேற்பைப் பெற்றுள்ளது. 2026-ஆம் ஆண்டின் முதல் காலாண்டில், இத்திட்டத்திற்கு அரசு 7.7% வட்டி வழங்குகிறது. இது எஸ்பிஐ, எச்டிஎஃப்சி போன்ற முன்னனி வங்கிகள் தரும் 6% முதல் 6.5% வரையிலான வட்டியை விட மிக அதிகம். கூட்டு வட்டி முறையில் கணக்கிடப்படுவதால் முதலீடு செய்யும் பணத்திற்கு இரட்டிப்புப் பலன் கிடைப்பதோடு, வருமான வரிச் சட்டம் 80C பிரிவின்கீழ் 1.50 லட்சம் ரூபாய் வரை வரிவிலக்கும் பெற்றுக்கொள்ளலாம்.
ஐந்தாண்டு கால முதலீட்டுத் திட்டமான இதில் அரசு 100% பாதுகாப்பு அளிப்பதால் நடுத்தர மக்கள் அச்சமின்றிப் பணத்தைச் சேமிக்கலாம். அவசரத் தேவைக்கு இடையில் பணத்தை எடுக்க முடியாது என்ற ஒரு நிபந்தனை இருந்தாலும், வங்கிகளை விட 1.5% வரை அதிக வட்டி கிடைப்பது இதன் தனிச்சிறப்பாகும். பங்குச்சந்தை அபாயங்கள் ஏதுமின்றி குழந்தைகளின் எதிர்காலம் அல்லது ஓய்வுக்காலத்திற்காகத் திட்டமிடுபவர்களுக்குப் தபால் நிலையத்தின் இந்தத் திட்டம் ஒரு சிறந்த வரப்பிரசாதமாகும்.