மதுரை பாலமேட்டில் நடைபெற்ற ஜல்லிக்கட்டு விழாவில், தமிழக துணை முதல்வர் உதயநிதி ஸ்டாலினுடன் அமர்ந்து நடிகர் சூரி போட்டிகளை ரசித்தார். இதைப் பார்த்த நெட்டிசன் ஒருவர், சூரியை “கொத்தடிமை” என்று விமர்சித்ததோடு, தமிழக வெற்றிக் கழகத்தை மீறி அவரது அடுத்த படம் எப்படி வெளியாகப்போகிறது என எக்ஸ் தளத்தில் பதிவிட்டார். இதற்குப் பதிலடி கொடுத்த சூரி, பிறரை இழிவுபடுத்தாமல் பேசுவதே தமிழர்களின் பண்பாடு என்றும், கவனம் பெறுவதற்காக ஆதாரமற்ற குற்றச்சாட்டுகளைக் கூறுவது வெறும் சத்தம் மட்டுமே தவிர கருத்து அல்ல என்றும் காட்டமாகத் தெரிவித்தார்.
சினிமாவைப் பொறுத்தவரை ஒரு படத்தின் வெற்றியைப் பணமோ அல்லது அரசியலோ தீர்மானிக்க முடியாது. “கண்டென்ட் தான் கிங்” என்று சுட்டிக்காட்டிய அவர், மக்கள் ரசிக்கும்படியான நல்ல கதையம்சம் இருந்தால் மட்டுமே ஒரு படம் நிலைத்து நிற்கும் எனத் கூறினார். சிறிய கதாபாத்திரங்களில் தொடங்கி இன்று நாயகனாக உயர்ந்துள்ள தனக்கு, மக்களின் ஆதரவே முக்கியம் என்பதையும் அவர் தனது பதிவில் ஆணித்தரமாகத் தெரிவித்தார்.