அதிமுகவின் மூத்த தலைவர்களில் ஒருவரும், வேலூர் மாவட்ட முன்னாள் செயலாளருமான வாசு, தமிழக வெற்றிக் கழகத்தில் இணைந்தது, அதிமுக வட்டாரங்களில் பெரும் அதிர்ச்சியையும் பரபரப்பையும் ஏற்படுத்தியுள்ளது. வேலூர் கிழக்கு மாவட்டச் செயலாளராக 2006 முதல் 2010 வரை பதவி வகித்த வாசு, 2009 ஆம் ஆண்டு நடைபெற்ற மக்களவைத் தேர்தலில் அதிமுக சார்பில் வேலூர் தொகுதியில் போட்டியிட்டவர். இவர் முன்னாள் அமைச்சர் கே.சி. வீரமணியின் நம்பிக்கைக்குரிய தளகர்த்தர்களில் ஒருவராகச் செயல்பட்டு வந்தார்.
இந்நிலையில், சமீபத்தில் அதிமுகவிலிருந்து விலகி தவெகவில் இணைந்த முன்னாள் அமைச்சர் செங்கோட்டையனுக்கு ஆதரவாக, வாசுவும் திடீரென தவெகவில் இணைந்துள்ளார். அதிமுக தலைமை மீது ஏற்பட்ட அதிருப்தியே அவரது விலகலுக்குக் காரணம் என்று கூறப்படும் நிலையில், இந்த முக்கிய நிர்வாகியின் விலகல் எடப்பாடி பழனிசாமி தரப்புக்கு பின்னடைவாகவும், தவெகவுக்குக் கிடைத்த முக்கிய பலமாகவும் பார்க்கப்படுகிறது.