ஒடிசாவில் சிப்ஸ் பாக்கெட்டில் இலவசமாக வந்த பொம்மை வெடித்ததில் 8 வயது சிறுவனின் கண்பார்வை பறிபோன சம்பவம் பெரும் சோகத்தை ஏற்படுத்தியுள்ளது. அன்கேஷ் என்ற சிறுவன் அந்தப் பொம்மையுடன் சமையலறையில் விளையாடிக்கொண்டிருந்தபோது, அது எதிர்பாராதவிதமாக ஸ்டவ்வில் விழுந்து வெடித்தது. இதில் சிறுவனின் கண் கடுமையாகப் பாதிக்கப்பட்டு பார்வை இழப்பு ஏற்பட்டுள்ளது.
இதே மாநிலத்தில் கடந்த மாதம் சிப்ஸ் பாக்கெட் பொம்மையை விழுங்கிய 4 வயது குழந்தை உயிரிழந்த நிலையில், தற்போது இந்த இரண்டாவது விபத்து நிகழ்ந்துள்ளது. சிப்ஸ் பாக்கெட்டுகளில் குழந்தைகளைக் கவரும் வகையில் வைக்கப்படும் தரம் குறைந்த பிளாஸ்டிக் பொம்மைகளால் இத்தகைய விபத்துகள் ஏற்படுவதால், பெற்றோர்கள் தங்கள் குழந்தைகளுக்குப் தின்பண்டங்கள் வாங்கிக் கொடுக்கும்போது மிகுந்த எச்சரிக்கையுடன் இருக்க வேண்டும் என அறிவுறுத்தப்படுகிறார்கள்.