தமிழகத்தில் 2026 ஆம் ஆண்டு சட்டமன்றத் தேர்தல் நெருங்கி கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. குறிப்பாக விஜய் களத்தில் இறங்கிய பிறகு தமிழக தேர்தல் களம் நாளுக்கு நாள் பரபரப்பாகவே உள்ளது. அதிலும் விஜயின் தமிழக வெற்றிக்கழக கட்சியில் அதிமுகவின் மூத்த நிர்வாகியான செங்கோட்டையன் இணைந்த பிறகு மாற்று கட்சியினர் பலரும் கட்சி தாவி வருகிறார்கள். குறிப்பாக அதிமுகவில் இபிஎஸ் மீது அதிருப்தியில் இருக்கும் நிர்வாகிகளை டார்கெட் செய்து செங்கோட்டையன் பேச்சுவார்த்தை நடத்தி கட்சியில் இணைத்து வருகின்றார்.
இந்நிலையில் சென்னை மாமன்ற உறுப்பினர் ராஜன் பர்ணபாஸ், புதுச்சேரி அதிமுக முன்னாள் எம்எல்ஏ பெரியசாமி, முன்னாள் ஐஜி ராமச்சந்திரன் ஆகியோர் தமிழக வெற்றி கழகம் கட்சியில் இணைய உள்ளதாக தகவல் வெளியாகி உள்ளது. இவர்கள் மூவரும் பனையூரில் உள்ள தமிழக வெற்றிக்கழகம் அலுவலகத்திற்கு வருகை தந்தனர். அவர்களுடன் செங்கோட்டையன், ஆதவ் அர்ஜுனா, ஆனந்த் ஆகியோர் ஆலோசனை நடத்தினர். இதனைத் தொடர்ந்து மூன்று பேரும் விஜய் முன்னிலையில் தமிழக வெற்றி கழகம் கட்சியில் இணைய உள்ளனர். இந்தச் செய்தி தமிழக அரசியலில் தற்போது புதிய புயலை கிளப்பி உள்ளது.