விஜய் டிவியில் இப்போது நடந்து வரும் பிக்பாஸ் சீசன் 9 நிகழ்ச்சியை பொறுத்த வரை யாராலும் மறக்க முடியாத ஒரு போட்டியாளர் என்றால் அது வீஜே பார்வதி தான். அவர் இந்த வீட்டுக்குள் வந்தது முதல் செய்த அட்டகாசங்களும் அட்ராசிட்டிகளும் அட்டூழியங்களும் அவரது ஆணவமான பேச்சும் போக்கும் பிக்பாஸ் ரசிகர்களால் எப்போதும் மறக்கவே முடியாது.
அதன் உச்சகட்டமாக சாண்ட்ராவை காருக்குள் இருந்து வெளியே உதைத்து தள்ளியதால் பார்வதியையும் அவருக்கு ஆதரவாக செயல்பட்ட போட்டியாளர் கமருதீனையும் பிக்பாஸ் வீட்டில் இருந்து ரெட் கார்டு காட்டி வெளியே விரட்டி விட்டனர். இந்நிலையில் அவர்கள் இருவருக்கும் பிக்பாஸ் வீட்டில் 90 நாட்கள் இருந்ததற்கான சம்பளமே கிடைக்காது என்றும் சொல்லப்படுகிறது.
இதற்கிடையே சீரியல் நடிகரான கம்ருதீன் ஏற்கனவே கமிட்டாகி இருந்த சில சீரியல்களில் இருந்தும் அவர் நீக்கப்பட்டுள்ளதாக ஒரு தகவல் வெளியாகி பரவி வருகிறது. இந்நிலையில் பிக்பாஸ் வீட்டில் இருந்து விரட்டியடிக்கப்பட்ட பார்வதியின் ரியாக்சன் இப்போது என்னவாக இருக்கும் என்ற கேள்வியும் எதிர்பார்ப்பும் ரசிகர்களிடம் காணப்படுகிறது. இப்போது அவரது அதிகாரபூர்வமான இன்ஸ்டாகிராம் அக்கவுண்டில் வரிசையாக ஸ்டோரிகள் வைக்கப்பட்டுள்ளன.
அதில் பார்வதிக்கு ஆதரவாக பலரும் சொன்ன கருத்துக்களும் அவர்கள் பேசிய வீடியோக்களும் இடம் பெற்றுள்ளன. இதைப் பார்த்த பிக்பாஸ் ரசிகர்கள் வெளியே வந்த பிறகும் பார்வதி இன்னும் திருந்தலையே? ரசிகர்கள் தனக்கு ஆதரவாக சொன்ன கருத்துக்களை மட்டும் பதிவிட்டு தன்னை மிகவும் நல்லவர் போல காட்டிக் கொள்கிறாரே, எவ்வளவு அசிங்கப்பட்டாலும் இவர் திருந்தவே மாட்டாரா? என்று கமெண்ட் செய்து திட்டி வருகின்றனர்.