மத்திய அரசு வழங்கும் பிஎம் கிசான் திட்டத்தின் 22-வது தவணைத் தொகை எப்போது வரும் என எதிர்பார்த்துக் காத்திருந்த விவசாயிகளுக்கு மகிழ்ச்சியான செய்தி கிடைத்துள்ளது. இந்தத் திட்டத்தின் கீழ் தகுதியுள்ள விவசாயிகளுக்கு ஆண்டுக்கு ரூ. 6,000 மூன்று தவணைகளாக வழங்கப்பட்டு வரும் நிலையில், அடுத்த ரூ. 2,000 பிப்ரவரி 28-ஆம் தேதி நேரடியாக வங்கிக் கணக்கில் செலுத்தப்பட உள்ளது. கடந்த நவம்பர் மாதம் 21-வது தவணை பெற்ற விவசாயிகள், பிப்ரவரி இறுதியில் கிடைக்கவுள்ள இந்தத் தொகையைத் தடையின்றிப் பெற முடியும் எனத் தகவல்கள் தெரிவிக்கின்றன.
இந்த நிதியுதவியைப் பெறுவதற்கு விவசாயிகள் சில முக்கியப் பணிகளை முடித்திருப்பது கட்டாயமாகும். குறிப்பாக, வங்கிக் கணக்குடன் ஆதார் எண் இணைக்கப்பட்டிருக்க வேண்டும் மற்றும் ஆன்லைன் மூலமாக ‘e-KYC’ எனப்படும் மின்னணு சரிபார்ப்பு முறையைப் பூர்த்தி செய்திருக்க வேண்டும். நிலப் பதிவுகள் சரியாக உள்ளதா என்பதையும் உறுதி செய்வது அவசியம். ஏதேனும் சந்தேகங்கள் இருந்தால் அதிகாரப்பூர்வ இணையதளத்தில் பயனாளிகளின் நிலையை (Beneficiary Status) சரிபார்த்துக் கொள்ளலாம். இந்த எளிய நடைமுறைகளை முடிப்பதன் மூலம் பிப்ரவரி இறுதியில் விவசாயிகளுக்குச் சொந்தமான ரூ. 2,000 தவணைத் தொகை எளிதாகக் கிடைக்கும்.