குளிர் காலத்தில் தயிர் சாப்பிட்டால் சளி பிடிக்கும் என்று பலரும் தவிர்ப்பார்கள். ஆனால், தயிரில் உள்ள வைட்டமின் டி மற்றும் கால்சியம் சத்துக்கள் எலும்புகளை வலுப்படுத்தவும், அஜீரணக் கோளாறுகளைச் சரிசெய்யவும் பெரிதும் உதவுகின்றன.
குளிர் காலத்தில் தயிரை உண்ண விரும்புவோர், குளிர்சாதன பெட்டியில் வைத்திருப்பதை நேரடியாகச் சாப்பிடாமல், அறை வெப்பநிலைக்கு வந்தவுடன் உட்கொள்வது நல்லது. குறிப்பாக, மதிய நேரங்களில் தயிர் சாப்பிடுவது ஜீரணத்தை எளிதாக்கும்; அதே சமயம் இரவு நேரங்களில் தயிர் உண்பது உடல் வெப்பநிலையைக் குறைத்து தொண்டை வலியை ஏற்படுத்தக்கூடும் என்பதால் அதைத் தவிர்ப்பது நல்லது.
குளிர் காலத்தில் தோல் வறண்டு போவதைத் தடுத்து சருமத்தைப் பளபளப்பாக வைக்கத் தயிரில் உள்ள லாக்டிக் அமிலம் உதவுகிறது. மேலும், இது அதிகப்படியான பசியைக் கட்டுப்படுத்தி உடல் எடையைப் பராமரிக்கவும் துணைபுரிகிறது.
இருப்பினும், ஏற்கனவே சைனஸ், ஆஸ்துமா அல்லது தீவிரமான சளித் தொல்லை இருப்பவர்கள் குளிர் காலங்களில் தயிர் எடுத்துக் கொள்வதைக் குறைத்துக் கொள்வது அல்லது தவிர்ப்பது நல்லது. முறையான நேரத்தில் சரியான முறையில் தயிரைச் சேர்த்துக் கொள்வது ஆரோக்கியத்தை மேம்படுத்துமே தவிர, பாதிப்பை ஏற்படுத்தாது என்பதே மருத்துவர்களின் ஆலோசனையாக உள்ளது.