கோவை மாவட்டம் பொள்ளாச்சி தாலுகா காவல் நிலையத்தில் இன்ஸ்பெக்டரின் டிரைவராக தென்காசி மாவட்டத்தை சேர்ந்த மாதவ கண்ணன் என்ற 27 வயது வாலிபர் பணியாற்றி வந்துள்ளார். இவர் இன்ஸ்பெக்டரிடம் குடும்ப உறுப்பினர் போல பழகி வந்த நிலையில் இன்ஸ்பெக்டர் தன்னுடைய மகள்களை பார்த்துக் கொள்வதற்காக உறவினரான இளம் பெண் ஒருவரை வீட்டில் தங்க வைத்துள்ளார். கடந்த இரண்டு நாட்களாக வேலை காரணமாக இன்ஸ்பெக்டர் மதுரையில் உள்ள தன்னுடைய வீட்டுக்கு செல்ல முடியவில்லை.
இதனால் தன்னுடைய டிரைவரான மாதவ கண்ணனை பாதுகாப்புக்காக அவருடைய வீட்டுக்கு அனுப்பி வைத்துள்ளார். இந்நிலையில் வீட்டிலிருந்த இளம் பெண் குளித்துக் கொண்டிருந்தபோது அதனை மறைந்திருந்து மாதவ கண்ணன் செல்போனில் வீடியோவாக பதிவு செய்துள்ளார். இதனைக் கண்டு அதிர்ச்சி அடைந்த இளம் பெண் உடனடியாக செல்போன் மூலம் நடந்த சம்பவம் பற்றி இன்ஸ்பெக்டரிடம் கூறி அழுத நிலையில் உடனே போலீசில் புகார் அளிக்கப்பட்டது. இந்த புகாரைத் தொடர்ந்து போலீஸ் ஆர் விசாரணை நடத்தி மாதவ கண்ணனை கைது செய்துள்ளனர். இந்த சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.