தமிழ் சினிமாவில் சீனியர் நடிகர் விஜயகுமார். அவரது மகன் அருண்விஜய் தொடர்ந்து படங்களில் நடித்து வருகிறார். விரைவில் அருண்விஜய் நடித்த ரெட்ட தல படம் ரிலீஸாக உள்ளது. இந்நிலையில் நேர்காணல் ஒன்றில் பேசிய நடிகர் அருண் விஜய் கூறியதாவது, நான் உடற்பயிற்சிக்கு நிறைய முக்கியத்துவம் கொடுக்கிறேன். தினமும் ஒன்றரை மணி நேரம் உடற்பயிற்சி செய்ய நேரம் ஒதுக்குகிறேன். நான் சாப்பிடும் கலோரிகளை அன்றைக்கே கரைத்து விட வேண்டும் என்பது என் பாலிசி.
கேரக்டருக்கு ஏற்ப என் உடல் அமைப்பை எடையை முடிவு செய்கிறேன். வாரத்துக்கு ஒருமுறை மட்டுமே அரிசி சாதம் சாப்பிடுகிறேன். மற்றபடி எண்ணெய் இல்லாத புரோட்டின் மீன் சாப்பிடுவேன். காலையில் வெறும் வயிற்றில் நெல்லிக்காய் ஜூஸ் மற்றும் கறிவேப்பிலை சாப்பிடுவேன். குறிப்பாக தண்ணீருக்கு நிறைய முக்கியத்துவம் கொடுப்பேன். தரமில்லாத தண்ணீர் முகத்தை, உடலை நாம் ஆரோக்கியத்தை கெடுத்துவிடும் என்பது என் கருத்து என்று நடிகர் அருண்விஜய் தனது டயட் குறித்து பேசியிருக்கிறார்.