வாட்ஸ்அப் புதிய அப்டேட் ஒன்றை கொண்டுவந்துள்ளது. இந்த அம்சம் பலருக்கும் ஒரு பெரிய நிம்மதியைத் தந்துள்ளது. தேவையற்ற குரூப்களில் இருந்து வெளியேறத் தயங்குபவர்களுக்கு இது ஒரு வரப்பிரசாதம் என்றே சொல்லலாம். ஏனெனில் நீங்கள் ஒரு குரூப்பில் இருந்து வெளியேறும்போது (Exit Group), முன்பெல்லாம் “X left the group” என்ற தகவல் அனைவருக்கும் திரையில் தோன்றும்.
ஆனால் தற்போது அந்த கவலையில்லை. தற்போது, நீங்கள் வெளியேறினால் குரூப் அட்மின்களுக்கு (Group Admins) மட்டுமே அது பற்றிய நோட்டிபிகேஷன் செல்லும். மற்ற உறுப்பினர்களுக்குத் தெரியாது. ஆனால், குரூப் தகவலில் (Group Info) சென்று ‘View Past Participants’ என்ற ஆப்ஷனை யாராவது பார்த்தால் மட்டுமே, கடந்த 60 நாட்களில் யாரெல்லாம் வெளியேறினார்கள் என்பதை அவர்களால் பார்க்க முடியும்.