தமிழகத்தில் கடந்த சில மாதங்களாகவே தெருநாய்கள் தொந்தரவு என்பது அதிகமாகிவிட்டது. சிறு குழந்தைகள் முதல் பெரியவர்கள் வரை தெரு நாய்கள் கடிப்பது என்பது அச்சுறுத்தும். இதனிடையே சென்னை போரூர் அருகே டியூஷனுக்கு சென்ற எட்டு வயது சிறுவனின் முகம், கை கால்களில் நாய் ஒன்று கடித்துக் குதறி உள்ளது. அக்காவுடன் டியூஷன் சென்ற போது சிறுவனை தெரு நாய் கடித்துள்ளது. தெரு நாய் கடித்ததில் காயமடைந்த சிறுவன் அருகில் உள்ள அரசு மருத்துவமனையில் சிகிச்சைக்காக அனுமதிக்கப்பட்டான்.
அங்கு சிறுவனுக்கு தீவி ரசிகிச்சை அளிக்கப்பட்டு வருகின்றது. இதே போல அப்பகுதியில் வீட்டு வாசலில் கோலம் போட்டுக் கொண்டிருந்த சரளாதேவி என்ற பெண்ணையும் நாய் கடித்ததால் அப்பகுதியில் பரபரப்பு ஏற்பட்டுள்ளது. சென்னையில் தெரு நாய்களின் தொல்லை என்பது நாளுக்கு நாள் அதிகரித்து வருவதால் அதனை கட்டுப்படுத்த உரிய நடவடிக்கை எடுக்க வேண்டும் என்று சமூக ஆர்வலர்கள் கோரிக்கை விடுத்துள்ளனர். தற்போது சிறுவனை நாய் கடித்த சம்பவம் அப்பகுதியில் அதிர்ச்சியை ஏற்படுத்தியுள்ளது.