சீனாவின் செங்டுவில் 30 ஆண்டுகளுக்குப் பிறகு ஒரு மனிதனின் வயிற்றில் இருந்து சிகரெட் லைட்டர் அகற்றப்பட்ட அதிர்ச்சியூட்டும் சம்பவம் நடந்துள்ளது . இன்னும் ஆச்சரியமான விஷயம் என்னவென்றால், மருத்துவர்கள் லைட்டரை அகற்ற ஆணுறையைப் பயன்படுத்தினார்கள். லைட்டர் எப்படி வயிற்றை அடைந்தது என்பது ஆச்சர்யமாக உள்ளது. குடிபோதையில் டெங் என்ற நபர் தனது நண்பர்களுடன் பந்தயம் கட்டி ஒரு லைட்டரை விழுங்கியதாக கதை கூறுகிறது. லைட்டர் தானாகவே தனது உடலில் இருந்து வெளியேறும் என்று அவர் நினைத்தார்.
ஆனால் அது நடக்கவில்லை. கடந்த 30 ஆண்டுகளாக அவர் தனது வயிற்றில் லைட்டர் இருந்துள்ளது. அடிக்கடி வலி ஏற்பட்ட நிலையில் அது சாதாரண வலி என நினைந்து சிறிய வலிகளுக்கு மருந்து எடுத்துக் கொண்டார். சமீபத்தில், டெங் கடுமையான வயிற்று வலி மற்றும் கடுமையான வீக்கத்துடன் மருத்துவமனைக்குச் சென்றார். மருத்துவர்கள் டெங்கிற்கு காஸ்ட்ரோஸ்கோபி செய்தபோது, அவரது வயிற்றில் சுமார் 7 சென்டிமீட்டர் நீளமுள்ள ஒரு கருப்பு சிகரெட் லைட்டரைக் கண்டுபிடித்து திகைத்துப் போனார்கள்.