தமிழகத்தில் சட்டமன்றத் தேர்தல் நெருங்கும் நிலையில் அனைத்து கட்சிகளும் தங்களுடைய தேர்தல் பணியில் தீவிரம் காட்டி வருகின்றன. கூட்டணி கணக்குகளும் தொகுதி பங்கிடும் பேசப்பட்டு வரும் நிலையில் பல்வேறு திருப்பங்களும் நிகழ்ந்து கொண்டிருக்கிறது. தமிழகத்தில் நடைபெறும் சட்டமன்ற தேர்தல் என்றாலே அதிமுக மற்றும் திமுக இடையே தான் போட்டி என்ற நிலை இருந்த நிலையில் தற்போது விஜயின் வருகை அதனை தலைகீழாக மாற்றியுள்ளது. இது ஒரு பக்கம் இருக்க மற்றொரு பக்கம் திராவிட கட்சிகள் தங்களுடைய கூட்டணி கணக்குகளில் தீவிரம் காட்ட தொடங்கிவிட்டன.
அதிமுக தேசிய கட்சியான பாஜக உடனும் தமாகவுடன் மட்டுமே கூட்டணியில் உள்ள நிலையில் திமுகவுடன் விடுதலை சிறுத்தைகள் கட்சி, காங்கிரஸ், கம்யூனிஸ்டு மற்றும் மதிமுக போன்ற கட்சிகள் நீண்ட காலமாக கூட்டணியில் உள்ளன. அதிமுக மற்றும் பாஜக கூட்டணியில் வெளிவராத சில சச்சரவுகள் இருந்தாலும் திமுக கூட்டணியில் அது வெளிப்படையாகவே தெரிகின்றது. அதாவது காங்கிரஸ் மற்றும் விசிக போன்ற கட்சிகள் அதிக தொகுதிகளையும் ஆட்சியில் பங்கு கேட்டு வலியுறுத்தி வருவதை கண்கூடாகவே பார்க்க முடிகின்றது.
இப்படியான நிலையில் தமிழ்நாடு மட்டுமல்ல புதுச்சேரியிலும் காங்கிரசுடன் திமுக கூட்டணி அமைத்துள்ளது. தொகுதி பங்கீடு குறித்து நாளை இருதரப்பும் பேச்சு வார்த்தை நடத்த உள்ள நிலையில், புதுச்சேரி முதல்வர் வேட்பாளர் திமுகவின் ஜெகத்ரட்சகன் என பரபரப்பு தகவல் வெளியாகி உள்ளது. எதற்காக திமுக தலைமை உத்தரவின் பேரில் கடந்த அக்டோபர் மாதத்தில் இருந்தே புதுச்சேரியில் கட்சியை பலப்படுத்தும் பணியில் ஜெகத் தீவிரமாக ஈடுபட்டு வருகிறாராம்.