தமிழ் சினிமாவில் தவசி உள்ளிட்ட படங்களில் நடித்த பிரதியுஷா மரண வழக்கு மீண்டும் பேசு பொருளாகியுள்ளது. கடந்த 2002 ஆம் ஆண்டில் காதலருடன் விஷம் அருந்தி அவர் உயிரிழந்ததாக கூறப்படுகிறது. இந்நிலையில் தன்னுடைய மகள் கூட்டு பாலியல் பலாத்காரம் செய்யப்பட்டு கொல்லப்பட்டதாக அவருடைய தாய் சரோஜினி தேவி அதிர்ச்சி குற்றச்சாட்டை முன் வைத்துள்ளார்.
அவருடைய மார்பு, தொடை பகுதிகளில் காயங்கள் இருந்ததாகவும் உடற்கூறு ஆய்வில் பலாத்காரம் உறுதி செய்யப்பட்டதாகவும் அவர் கூறியுள்ளார். நடிகையின் மரணம் தொடர்பான வழக்கு நேற்று நீதிமன்றத்தில் விசாரணைக்கு வந்திருந்தபோது அவருடைய தாயார் இந்த அதிர்ச்சி தரும் தகவலை கூறியுள்ளது தற்போது இந்த வழக்கில் புதிய திருப்பத்தை ஏற்படுத்தியுள்ளது. இந்த செய்தி ரசிகர்கள் மத்தியிலும் அதிர்ச்சியை ஏற்படுத்தியுள்ளது.