தமிழ் திரையுலகின் முன்னணி நட்சத்திரங்களில் ஒருவரான நடிகர் அஜித், 1993ஆம் ஆண்டு வெளியான ‘அமராவதி’ திரைப்படத்தின் மூலம் அறிமுகமானார். இவரது திரையுலகப் பயணத்தில் ‘காதல் கோட்டை’ ஒரு திருப்புமுனையாக அமைந்தது. இந்த நிலையில் ஒரு நேர்காணலில் தான் பைக் பந்தயத்தில் இருந்து விலகி சினிமாவில் முழு கவனம் செலுத்தியதற்கான காரணத்தை அஜித் கூறியுள்ளார்.
அவர் பேசியதாவது, “அமராவதி வெளியானபோது, எனக்கு நல்ல எதிர்காலம் இருக்கும் என்று நேர்மறையான கருத்து நிலவியது. ஆனால் படம் வெளியான பிறகு, எனக்கு விபத்தில் அடிபட்டது. நான் மீண்டு வந்தபோது எனக்கு வாய்ப்புகள் இல்லை. வாழ்க்கையில் இருந்து நாம் எப்போதும் தப்பிக்க முடியாது என்பதை அப்போது உணர்ந்தேன். அதனால் ஏதேனும் ஒரு துறையில் முழுமையாகக் கவனம் செலுத்துவோம் என்று முடிவெடுத்து சினிமாவில் என் கவனத்தைச் செலுத்தினேன்,” என்று கூறியுள்ளார்.