உத்தரப்பிரதேச மாநிலம் பிஜ்னூர் மாவட்டம் பட்ஹிரன் கிராமத்தைச் சேர்ந்தவர் நபீஸ். இவருடைய மகன் சல்மான் (24), சமீபத்தில் குடும்ப உறவுக்காரப் பெண் ஒருவரிடம் தவறாக நடக்க முயன்றுள்ளார். இந்தச் சம்பவம் குறித்து நபீஸுக்குத் தெரியவந்ததையடுத்து, மகன் மீது அவர் கடும் கோபம் அடைந்துள்ளார்.
பின்னர், கடந்த 10-ஆம் தேதி இரவு வீட்டில் தூங்கிக் கொண்டிருந்த மகன் சல்மானை, தந்தை நபீஸ் கழுத்தை நெரித்து, செங்கல்லால் தாக்கி கொலை செய்தார். அதைத் தொடர்ந்து, நபீஸ் தனது இரண்டு உறவினர்களின் உதவியுடன் சல்மானின் உடலை கிராமத்துக்கு அருகிலுள்ள மாந்தோப்புக்குள் வீசியுள்ளார். இந்தச் சம்பவம் குறித்து விசாரணை மேற்கொண்ட போலீசார், தந்தை நபீஸ் உட்பட அவருக்கு உதவிய இரண்டு உறவினர்கள் என மூன்று பேரையும் கைது செய்து சிறையில் அடைத்துள்ளனர்.