கிஷோர் முத்துராமலிங்கம் இயக்கத்தில் முனிஷ்காந்த்-விஜயலட்சுமி நடிப்பில் மிடில் கிளாஸ் திரைப்படம் உருவாகியுள்ளது. இந்த திரைப்படம் வருகிற 21-ஆம் தேதி ரிலீசாக உள்ளது. பிரணவ் முனிராஜ் இந்த படத்திற்கு இசையமைத்துள்ளார். சமீபத்தில் ஒரு பேட்டியில் பேசிய விஜயலட்சுமி இதுதான் தனது கடைசி படம் என கூறியுள்ளார். அவர் கூறியதாவது, இடையில் நான் நடிக்காததற்கு காரணம் சரியான கதாபாத்திரம் கிடைக்கவில்லை. இனிமேல் நடிக்க கூடாது என முடிவு செய்துவிட்டேன். இதுதான் எனது கடைசி படம்.
கடைசி படம் இவ்வளவு அழகான படமாக அமைந்ததில் மகிழ்ச்சியாக உள்ளது. அடுத்த வேறு ஏதாவது செய்யலாம் என யோசித்து இருக்கிறேன் என கூறியுள்ளார். விஜயலட்சுமி சென்னை 600028 படத்தில் அறிமுகமாகி அஞ்சாதே, அதே நேரம் அதே இடம், பிரியாணி உள்ளிட்ட திரைப்படங்களில் நடித்தவர். தொலைக்காட்சி ரியாலிட்டி நிகழ்ச்சிகளிலும் பங்கேற்றுள்ளார். திடீரென நடிப்பிலிருந்து விலக உள்ளதாக விஜயலட்சுமி அறிவித்தது ரசிகர்களை அதிர்ச்சியில் ஆழ்த்தியுள்ளது.