உடல் மற்றும் மன ஆரோக்கியத்துக்கு நல்ல தூக்கம் அவசியம். ஒரு இரவு கூட சரியாகத் தூங்காவிட்டால் அடுத்த நாள் வேலை செய்ய முடியாது. ஆனால் 62 ஆண்டுகளாக ஒரு நொடி கூடக் கண் மூடி தூங்காத ஒரு மனிதர் இருக்கிறார் என்றால் நம்ப முடியுமா?
அறிவியல் படி சில நாட்களுக்கு மேல் தூக்கமின்றி உயிர் வாழ முடியாது. வியட்நாமின் குவாங் நாம் மாகாணத்தில் உள்ள சிறிய கிராமத்தை சேர்ந்தவர் நொகோக் (81). இவர் 1962-ஆம் ஆண்டு கடும் காய்ச்சலால் பாதிக்கப்பட்டு அன்றிலிருந்து இன்று வரை ஒரு நொடி கூடத் தூங்கவில்லை என்கிறார்.
1942-ல் பிறந்த நொகோக், வியட்நாம் போரின்போது 20 வயதில் அவருக்கு காய்ச்சல் வந்தது. காய்ச்சல் குணமானாலும் தூக்கம் மட்டும் திரும்பவில்லை. “மருந்து, வீட்டு வைத்தியம், மது கூட முயற்சித்தேன்… ஆனால் தூக்கம் வரவில்லை” என்கிறார்.
அதிசயம் என்னவென்றால், தூக்கமின்றியும் அவர் உயிரோடு இருப்பதோடு, பண்ணையில் வேலை செய்கிறார், வயலில் உழைக்கிறார். அவர் தூங்குவதை யாரும் பார்த்ததில்லை என மனைவி, குழந்தைகள், நண்பர்கள், அண்டை வீட்டார் அனைவரும் கூறுகின்றனர். அறிவியலுக்கு சவால் விடும் இவரது வாழ்க்கை சமூக வலைதளங்களில் வைரலாகி வியப்பை ஏற்படுத்தியுள்ளது.
View this post on Instagram